لتساقط واعرة

كندير بصلة حمرا وشوية ديال الثومة حمرا غير نصف كنخلط الكل فخلاط كهربائي ونشد زيف حياتي و نصفي فيه الخليط حتى يخرج لينا مااء هداك الماء هو الي كنحتفظ بيه فشي قرعة من بعد كنوجدو
 الخلطة الثانية وهي الي فيها الخدمة خودي معاك 30 درهم وسيري عند العطار وعطيه الورقة وهو يحط ليك كولشي قدامك وكولها اعشاب طبيعية و معروفة مند القدم خودي  2 دراهم من الحاجة خزامى + زريعة الكتان +جنجلان+ حبة راس + + الريحان + مريوة +الحرمل +قطران رقيق +الحلبة حبة البركة + اليزير +الزعتر+القرنفل ملاحظة القرنفل و حبة راس خودي منهم شي 5 دراهم نحمرو الزنجلان و زريعة الكتان وكنطحن كولشي و كنخلطهم و نديرهم فقرعة ماعدا القطران
 نجيو لطريقة الاستعمال قبل منمشي الحمام بشي 8 سوايع هكاك سرحي شعرك ودلكيه بماء البصل والثوم الي وجدنا في الاول ونحرصي على دهن الجذور واحد ساعتين
خودي زلافة و خودي منها 3 معالق ديال الخليط الثاني ونضيف عليها ملعة صغيرة ديال القطران و نخلط بزيت العود و ندهن بيهم شعرك مزياان دوز شي 5 سوايع وغسلي شعرك مزيان منين ترجعي من الحمام
دهني الشعر بزيت حبة البركة او زيت الزنجلان بصراحة الوصفة صعيبة لا من ناحية الريحة و لا من ناحية تمارة و متقد عليها غير لالة مولاتي ولكن راه تستاهل  كترد الشعر كيحمققققققق  الوصفة كتستعمل مرة فالسيمانة الى درتيها الاثنين حتى نهار الاثنين الاخرى الي جربتها تديعي لي في ضهر الغيب